● الأجابة فى البوست دة …
1- يعنى إيه برمجة ؟؟
ببساطة هي اللغة اللى بيقدر بيها الأنسان يتكلم مع الجهاز فى العموم سواء كان " كمبيوتر أو موبايل " و بتتكون اللغة الواحدة من العديد من الأوامر لتنفيذ مهمه معينه.
يعنى هى عملية بسيطة بتقوم فيها بكتابة بعض الكلمات للكمبيوترعشان يقوم بتنفيذها زى كأنك بترسل رسالة لصديقك من على الموبايل.
2- هو أنا لازم أكون على مستوى ذكاء عالى أوى عشان أتعلم برمجة ؟
كتير من الناس بتفتكر ان المبرمجين عندهم نسب ذكاء عاليه ومهارات خاصة عشان قدر يتعلمها وان انا مش هقدر … ولكن فى الحقيقة ان المبرمجين ناس عاديه وزى وزيك وممكن كمان منجحش فى مجال دراسته لأنه محبوش مثلا...
البرمجة تعتبر فن قبل ما تكون علم، وهى المجال الوحيد اللى كتير بيتساوى فيه الطالب مع الدكتور وكمان ممكن الطالب يكون أشطر حسب خبرته ومدى حبه وتعلمه للمجال.
يعن البرمجة ممكن لأى شخص البدء فيها بكل سهوله حسب مهارته وقدرته على التعلم وحماسه لها .
3- هحتاج أكون على مستوى عالى من اللغة الأنجليزية؟
محتاج تكون على مستوى متوسط أو عندك استعداد تتعلم وتضغط على نفسك فى أول شهرين مثلا بس؛ وبعد كدة تطور من نفسك أول بأول.
4- سمعت انه لازم يكون عندى خلفية رياضية ؟
كتير من الناس بتفتكر ان لامبرمجين عندهم خلفية كبيرة فى الرياضيات، ولكن الحقيقة غير كدة؛ أنت مش هتحتاج الرياضة غير قليل جدا وبشكل مبسط جدا. ألا فى بعض البرامج المتخصصة فى مجال الرياضة هتحتاج بعض المعادلات البسيطة اللى ممكن الحصول عليها بكل سهولة.
5- طب اتعلمها أزاى؟؟
أسهل الطرق لتعلم البرمجة هى أنك تاخد دورات متخصصة فى المجال أو المسار اللى عايزه يكون مجالك بشرط انك متقفش وتطور نفسك أول بأول.
6- مينفعش اتعلم من على النت Selfstudy ؟
غالباً ممكن .. ولكن فى الفترة الحالية مش هتكون مجزية مع كتير من الناس خصوصا لو مبتدئ وخصوصا لو مواقع عربية.
لأن الدروس الموجودة على شبكة النت بتكون مختصرة وبسيطة و مش هتوصلك لمرحلة الأحتراف؛ بس ممكن مطالعة الموجود على الويب عشان تاخد فكرة كويسة عن اللغة اللى حابب تتخصص فيها بعد كدة.
*لاكن لو أنت perfect فى الأنجليزية هتلاقى مصادر كتير ممكن توصلك للأحتراف بمجهود عالى شوية … .
7- إيه هى أنواع البرمجة ؟
مفيش تعريف محدد لأنواع لغات البرمجة؛ لأنها كلها غالباً مرتبطة ببعضها، وباتقانك اى لغة برمجة يمكنك التعامل بسهولة بأى نوع من الأنواع الأخرى بعد ما تاخد خلفية بسيطة عن أساسيتها … .
وممكنن نقول أن أنواع لغات البرمجة " نسبياً " هى :
1- البرمجة العادية.
2- برمجة قواعد البيانات.
3- برمجة مواقع الويب.
وبكدة نكون جاوبنا على أسئلة النهاردة، وأستنونا فى بوست تانى هنشرح فيه أنواع البرمجة الثلاثة وفرص الشغل المتاحة فى السوق... وعشان تفيد غيرك أعمل شير أو منشن صحابك المهتمين بالبرمجة 
ليست هناك تعليقات:
إرسال تعليق